Vlag
Letste aanpassing (Woensdaag 29 Oktoeber 2008 11:12) Gesjreeve door Paaf Roëdmoos Dinsdaag 19 Augustus 2008 18:08
Geej, vastelaovend viërend Tegele, heb ’t ônger angere mei meugelik gemak det weej binnekort ôs 1 x 11-jäörig jubieleejum kênne viëre. Laot ’t dúudelik zien, det as geej neet beej ôs in de tent vastelaovend geviërd had, weej noëts 11 jaor lang de vastelaovend in de tent hadde kênne organiezeere en viëre.
Daonaevebeej heb geej gemênd ôs te môtte sjteune dôr ’n sjoën vlag van Paaf Roëdmoos te koupe. Gans Tegele haet kênne zeen det geej zoë as Tegelse vastelaovendviërder Paaf Roëdmoos ’n werm hert toedraag. Beej deze wille weej uch dèn ouch gaer bedangke det geej ôs vlag beej uch thóes aan de gevel heb gehange de aafgeloupe jaore. Weej wille uch alvès vraoge öm de vlag al óet de kas te pakke en die metein beej uch aan de moër te hange. Zeker deze vastelaovend, ömdet weej dèn ôs 1 x 11-jäörig jubieleejum viëre. Hang op die vlag!!!
Femielie of vrinde van uch kênne ouch allemaol ’n vlag besjtêlle. Geej kênt netuurlik altiéd ôzze webpagina bezeuke as geej miër informaasie wilt euver Paaf Roëdmoos: www.vastelaovend.org. As geej gaer ’n vlag wilt besjtêlle, kênt geej ’n mailtje sjteure nao: Dit e-mailadres is beveiligd tegen spambots, u heeft JavaScript nodig om het te kunnen bekijken . Netuurlik waere alle mailtjes beantwaord.
Weej wille uch bedangke vur ugge sjteun de aafgeloupe jaore en haope det weej uch op vastelaoveszaoterdig 21 fibberwarie of vastelaovesmaondig 23 fibberwarie wir meuge begroete in de tent beej kefee Coëba op de Keuning-sjtraot. Op zaoterdig viëre weej wir Coëba Cabana mêt Aparty en op maondig viëre weej ôs eige “Paaf 1 x 11 jaor, weej zette de tent ôppe kop!” woë weej ôs jubieleejum wille viëre.
Mêt vrintelikke groete,
Alle leeje van Paaf Roëdmoos.