Sjtoekkemissie
Letste aanpassing (Woensdaag 07 Jannewari 2009 21:35) Gesjreeve door Paaf Roëdmoos Dinsdaag 19 Augustus 2008 18:08
De vastelaovend 2007-2008 ligk alwir ’nne langen tiéd achter ôs. Al mêt al kênne weej wir trükkiéke op ’n ziër gesjlaag vastelaovesseizoen. Gans vastelaovend viërend Tegele haet gezeen detter dit jaor neet 1 tent in ’t centrum van Tegele sjting, maar detter zellefs 2 tente in ’t centrum woorte opgezatte. D’r waare genôg minse op de bein öm allebei de tente te vulle en det duit ôs good, weitende det de vastelaovend in Tegele nag sjteeds zoë geviërd môt waere zoë wie det allein in Tegele kên!
Al mêt al môtte ouch weej wir vuróet kiéke. In ’t kômmende vastelaovesseizoen sjteit vur Paaf Roëdmoos ’t 1 x 11-jäörig jubieleejum vur de deur wat weej netuurlik groëts wille viëre.
Weej wille uch dèn ouch vraoge of geej ein van ôzze geldsjtoekers wilt waere of, as geej det al ziet, det ouch wilt bliéve. Op dees meneer laot geej zeen det geej de vastelaovend in Tegele ’n werm hert toedraag.Dôr geld te sjtoeke, mak geej ’t ônger angere ouch meugelik det weej wir in sjtaot waere gesjtêld öm ’n sjitterend fiës te kênne organiezeere vur hiël vastelaovend viërend Tegele. Weej haope dèn ouch det geej ôs zult sjteune öm dit alles meugelik te kênne maake dôr geld te sjtoeke op raekeningnummer 58.91.23.904.
Heb geej nag vraoge of op- of aanmerkinge, dèn kênt geej altiéd terech op ôs eige website: www.vastelaovend.org. Netuurlik kênt geej ouch ’nnen e-mail sjteure nao: Dit e-mailadres is beveiligd tegen spambots, u heeft JavaScript nodig om het te kunnen bekijken . Alle mails zulle netuurlik dôr ôs beantwaord waere.
Haopelik zeen weej uch trük mêt de vastelaovend tiédes ôs fiës op vastelaovesmaondig beej kefee Coëba.
Mêt vrintelikke groete naames de Sjtoekkemissie van Paaf Roëdmoos,
Rob Gielen,
veurzitter.